Vouiquipèdia:Lumiére dessus…/Chalês
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo dessando 16 de mârs 2024 tant qu’u demécro 20 de mârs 2024.
Chalês [θa.ˈle] (Challex [ʃa.le] en francês) est na comuna francêsa et arpetanna du payis de Gês, que sè trôve diens le dèpartament de l’En en règion Ôvèrgne-Rôno-Ârpes.
Los habitents du velâjo ant nom los Chalêsiens [lo θa.le.ˈzjɛ̃] et les Chalêsiènnes [le θa.le.ˈzjɛ̃.nə].
Geografia[changiér lo tèxto sôrsa]
Le bôrg de la comuna sè trôve a 485 m de hiôt sus na penta en-dessus la riva drêta du Rôno u levant de la Hiôta-Chênna du massis du Jura diens le payis de Gês, en fllanc de la frontiére suissa contre le canton de Geneva.