Pompèi
|
Cél articllo est ècrit en arpetan supradialèctâl / ORB lârge. | 
|
Cél articllo pôrte sus l’anciana citât romèna. Por la vela étalièna d’ora, vêde Pompèi (comena). Por les ôtres significacions, vêde Pompèi (homonimia).
Zones arquèologiques de Pompèi, Hèrculanon et Torre Annunziata *
| |
| |
| Cordonês | 40° 45′ 04″ bise, 14° 29′ 24″ levant |
|---|---|
| Payis |  Italie
|
| Division | Province de Naple, Campania |
| Tipo | Culturâl |
| Critèros | (iii) (iv) (v) |
| Supèrficie | 98 ha |
| Zona tampon | 24 ha |
| Numerô d’identificacion | 829 |
| Zona g·eografica | Eropa et Amèriques de Bise ** |
| An d’enscripcion | 1997 (21éma sèssion) |
| * Dèscriptif oficièl UNÈSCÔ ** Cllassement g·eografico UNÈSCÔ |
|
changiér  |
|
Pompèi (Pompeii en latin, Pompei en étalien) est na vela de l’Empiro romen, que sè trôve en Campania. Fondâye u VIémo siècllo dev. J.-C., el est dètruita quand Hèrculanon, Oplontis et pués Stabies, pendent l’èrupcion du Vèsuvo en l’an 79 ap. J.-C.. Encrotâye desot doux-três mètros de dèpôts volcanicos, presèrvâye de crouyo temps et de pilyâjos, la vela chêt dedens l’oubli pendent quinze siècllos. Redècuvèrta per hasârd u XVIIémo siècllo, l’ètat de consèrvacion de l’anciana citât romèna est remarcâbla : les fôlyes entreprêses dês lo XVIIIémo siècllo pèrmetront de dècrotar na vela fllorissenta, fin tèmognâjo de l’urbanismo et de la civilisacion de la Roma antica. L’endrêt arquèologico est rengiê u patrimouèno mondiâl de l’UNÈSCÔ dês 1997, avouéc Hèrculanon et Torre Annunziata.
L’endrêt
[changiér | changiér lo tèxto sôrsa]
L’endrêt arquèologico de Pompèi est placiê sus la couta cuchientenche de l’Étalia, u mié-jorn de Naple sus la bê du mémo nom. La vela antica de Pompèi ére u côr d’una reche règion, la Campania, que los Romens qualifiâvont de « Tèrra des diôs » por sa fèrtilitât, sa proximitât avouéc la mar et son cllimat[s 1]. Enqu’houé, na localitât de la province de Naple pôrte adés cél nom (Pompei) ; l’endrêt antico (Pompei Scavi) nen est un velâjo.
De la fondacion de Pompèi a sa dèstruccion
[changiér | changiér lo tèxto sôrsa]
Fondacion
[changiér | changiér lo tèxto sôrsa]Pompèi fut fondâye devant lo VIémo siècllo dev. J.-C. (pôt-étre u VIIémo ou ben VIIIémo siècllo dev. J.-C.), probâblament per un regroupâjo de cinq velâjos oscos (pumpe vôt dére cinq en osco[1]), sus na rota comèrciâla importanta[s 2]. La vela sè dèvelope d’abôrd vers lo levant pués dens les dirèccions nord-ouèste et sud-èste tant qu’a avengiér prés de 66 hèctâres, que 44 de mêsons, la résta étent constituâye de cortils et de champs que sè concentront surtot a bise de la charriére de l’Abondance.
Notes et rèferences
[changiér | changiér lo tèxto sôrsa]Setos Vouèbe
[changiér | changiér lo tèxto sôrsa]- Alain Canu, « La Campanie, une région bénie des dieux », dessus noctes-gallicanae.fr (viu lo 23 d’oût 2012).
- « Histoire de Pompéi », dessus campanie-campania.net, (viu lo 23 d’oût 2012).
- Coarelli 2002, p. 44.