Platél (geografia)

Platiô

Cél articllo est ècrit en arpetan supradialèctâl / ORB lârge.

Lo platél de Vuatèrbèrg en Namibia dedens lo parc nacionâl de Vuatèrbèrg.

Lo platél est yona de les três fôrmes principâles du relièf en topografia, avouéc les planes et les montagnes. Sè dèfenét coment na surface geografica que los cors d’égoua sont enquèssiês, per oposicion a les planes que los cors d’égoua colont a fllor de tèrra. Lo relièf dedens los entèrflluvos y est pou marcâ, cen que fât la difèrence entre un platél et na montagne.

Lo dènivelâ entre-mié lo cors d’égoua et lo revond du platél pôt étre tant provond que l’ensemblo de les valâs et des valons est dens cél câs apelâ gôrges ou ben canions.

Les bornes du platél sont de zones de changement de relièf ou ben d’hôtior, que pôvont étre marcâyes per de bârmes rêdes ou ben de pentes : celos èspâços sont apelâs talus ou ben morêna, en topografia. Portant, l’hôtior est pas en sè un critèro de dèfenicion d’un platél : ègziste de platéls en bâssa hôtior (per ègzemplo, lo platél du Condroz en Bèlgica) quand ben mémo qu’y at de planes en granta hôtior (per ègzemplo, l’Altiplano dedens la cordelyére de les Andes).

Notes et rèferences

Platél rogiê a Horseshoe Bend, en Arizonâ dedens los Ètats-Unis.