Margarèta de Savouè (1851-1926)

De Vouiquipèdia, l’enciclopèdia abada.
Aller à la navigation Aller à la recherche
B down.svg Cél articllo est ècrit en arpetan supradialèctâl / ORB lârge. Lo blâson panarpetan


Margarèta de Savouè (1851-1926), rêna d’Étalia.

Margarèta de Savouè (nèssua lo 20 de novembro 1851 a Turin; môrta lo 4 de janviér 1926 a Bordighera) est na princèssa de la mêson de Savouè et pués rêna d’ Étalia.

Via[changiér | changiér lo tèxto sôrsa]

O est la felye de Fèrnand de Savouè-Genova et de Èlisabèta de Rapallo. Per son mariâjo, lo 21 d’avril 1868 u Palès reyâl a Turin, avouéc Humbèrt Iér, vint rêna d’Étalia, lo 9 de janviér 1878. Dês lo 23 de janviér 1871 ére a Roma.

La rêna Margarèta dedens un ôtomobile.

Hombèrt Iér fut assassinâ lo 29 de j·ulyèt 1900, a Monza. Son fily Victor-Emanuél vint rê d’Étalia lo 11 d’oût 1900, tant qu’en 1946. Dês 1900 Margarèta de Savouè ére rêna mare; vivét u Palès Margarèta, a Roma, pués a la Villa Margarèta, a Bordighera en Liguria, desot los Ârpes marenes, a riva de la Mar Tirèna, dês 1916.

Margarèta de Savouè at fondâ des associacions culturèles et sôtenu lo movament du comitât entèrnacionâl de la Crouèx-Roge.

La tomba de Margarèta de Savouè s`trôve dedens lo Pantheon a Roma.

Arpinismo[changiér | changiér lo tèxto sôrsa]

Lo refujo rêna Margarèta desus lo Mont Rouése.

En arpinismo, Margarèta de Savouè ére la premiére fèna a montar sus lo Mont Rouése, montagne d’Arpetania sus la frontiére entre-mié l’Étalia et la Suisse. El’at inôgurâ lo refujo dèt Cabane Reine-Marguerite, en étalien capanna Regina Margherita, construit per lo clube arpenc étalien sus la Punta Gnifetti, sus lo massis du Mont Rouése, a la hôtior de 4554 mètros. Lo chalét est inôgurâ lo 18 d’oût 1893, pendant lo passâjo de la rêna Margarèta sus lo Mont-Rouése. Lo novél refujo de 1979 u memo endrêt est, houé, lo refujo arpenc lo plés hiôt.[1]

Tradicion[changiér | changiér lo tèxto sôrsa]

Selon la tradicion mitica, lo 11 de jouin 1889, l’ artisan Raffaele Esposito, a Naples, est dèt d’avêr crèâ la pizza Margarèta, en honor de rêna Margerèta et du rê Hombèrt, avouéc los três colors du drapél d’Étalia: vèrt, bllanc, rojo.[2]

Vêre avouéc[changiér | changiér lo tèxto sôrsa]

Bibliografia[changiér | changiér lo tèxto sôrsa]

  • Carlo Casalegno : La Regina Margherita. Turin 1956.
  • Manlio Lupinacci : La Regina Margherita. Fllorence 2008.

Lims de defôr[changiér | changiér lo tèxto sôrsa]

Lo logô de Commons
Wikimedia Commons propôse de documents multimèdiâ sus Margarèta de Savouè (1851-1926).


Notes[changiér | changiér lo tèxto sôrsa]

  1. Queen Margherita Observatory and Hut, Monte Rosa, Italy. sus lo portâl Copper Concept.
  2. Arturo Iengo : Cucina Napoletana: 100 Recipes from Italy’s Most Vibrant City. 2008.