Freddie Mercury

De Vouiquipèdia, l’enciclopèdia abada.
Aller à la navigation Aller à la recherche
B down.svg Cél articllo est ècrit en arpetan supradialèctâl / ORB lârge. Lo blâson panarpetan


Freddie Mercury
Dèscripcion de l’émâge Freddie_Mercury_performing_in_New_Haven,_CT,_November_1977.jpg.
Balyês cllâfs
Nom de nèssence Farrokh Bulsara
Nèssence 5 de septembro 1946
Stone Town, Protèctorat de Zanzibar (A-nuèt en Tanzanie)
Môrt 24 de novembro 1991 (a 45 ans)
Kensington, Royômo-Uni
Activitât principâla Ôtor-composior-entèrprèto, chantor, musicien, productor de musica
Genro musicâl Rock, pop, dance, gospèl, et opèrâ
Enstruments Chant, piano, cllaviérs, guitâra
Ans actifs 1969-1991
Lambéls EMI, Hollywood, Parlophone
Seto oficièl freddiemercury.com

Freddie Mercury est nèssu lo 5 de septembro 1946 en Tanzanie. Il est môrt lo 24 de novembro 1991 u Royômo-Uni. En 1970, il fonde la benda de lègenda Queen. Lo chantor mitico du groupe Queen, Freddie Mercury, de son veré nom Farrokh Bulsara est nèssu a Zanzibar en 1946. Passionâ per la musica, il rejuend sa premiére benda de rock, The Hectics. Aprés ses ètudes, il entègre lo groupe Smile et lo renome Queen en 1970. Farrokh Bulsara prend adonc lo surnom de Freddie Mercury. La benda vint una benda mitica et rencontre un succès entèrnacionâl. Il muert en 1991 d'una pormonia, afèbli per lo SIDA.

Sos dèbuts dens la chançon[changiér | changiér lo tèxto sôrsa]

Farrokh Bulsara est donc nèssu lo 5 de septembro 1946 en Tanzanie. Fils de fonccionèros èxpatriâs, il at una petita suèra, Kashmira. En 1953, sos parents l'envoyont continuar ses ètudes en Inda. Freddie Mercury est dotâ a l'ècoula et sè passione por lo sport et la musica. Il comence a prendre des cors de piano et rejuend la corâla de l'ècoula.

En 1958, Freddie honéto la premiére benda de musica, The Hectics dedens son licê. La benda reprend los bocons de rock'ne roll de l'època, coma Elvis Presley. La famelye de Freddie dêt pués-cen partir por lo Royômo-Uni dens los ans 60. Il sè passione vito por des chantors tâls que Jimi Hendrix, Elvis Presley ou John Lennon. Il entre a l'Ealing Ârt College de Londre en 1966 et obtint son diplome 3 ans més târd.

Los premiérs groupes de Mercury[changiér | changiér lo tèxto sôrsa]

Durent ses ètudes, Freddie Mercury encontra des jouenos qu'èvoluont dens una benda de musica apelâ Ibex. Il siut finalament la benda por fâre quârques reprèsentacions et aparêt por lo premiér côp coment chantor lo 23 d'oût 1969. Quârques mês més târd, la benda est rebapteyêe Wreckage. Freddie ècrit adonc los bocons de la benda, tant qu'a sa sèparacion por fôta de reprèsentacions. Aprés avêr fêt un passâjo rapido dedens lo groupe Sour Milk Sea, Freddie sonjo de fâre partia d'una benda de musica qu'il survelye dês plusiors anâs : Smile. Son chantor, Tim Staffell, avêt entendu parlar de l'entèrèt crêssent de Freddie envers sa benda, et lui propôse de lo remplaciér en 1970. Freddie accèpte, veyent son sonjo sè rèalisar. Il renome lo groupe Queen, et s'envente un novél nom de famelye : Freddie Mercury. O sont los dèbuts de la benda de rock mitico.

Queen, la benda mitica[changiér | changiér lo tèxto sôrsa]

La benda de rock mitico sè fôrme en 1970 avouéc Freddie Mercury, Brian May et Roger Taylor. L'anâ siuventa, John Deacon entègre la quatrêna coment bassista. En 1974, la benda sôrt un premiér albon, èponimo, Queen. U dèpârt, lo stilo de la benda fât pas l'unanimitât. O n'est qu'en 1975, avouéc l'albon At night at the Opera que la benda est champâye sur lo devant de la scèna, portâ per lo tubo Bohemain Rhapsody. Queen rencontre un succès mondiâl a côsa des titros We are the champions et We Will rock you.

Lo succès de la benda vint entèrnacionâl, Queen rèunét una fôla de més de 130 000 pèrsones durent un concèrt a Sao Paulo u Brèsil. La benda enchêne los tubos : Somebody To Love, I Want To Break Free, Don't Stop Me Now, A Kind Of Magic… En 1985, Queen sè fât a lo Live Aid u stade de Wembley. Lor prèstacion est vua coma la "més granta pèrformance live de tôs los temps". En paralèlo a sa carriére avouéc Queen, Freddie Mercury sè fât en solô dês 1985. Il sôrt spècialament l'albon Barcelona en duô avouéc la sopranô catalana Montserrat Caballé.

Maladie et môrt de Freddie Mercury[changiér | changiér lo tèxto sôrsa]

En 1987, son mèdecin anonce a Freddie Mercury qu'il est avengiê du SIDA. Il dècide d'encartar sos dèrriérs titros avouéc lo groupe Queen u comencement des ans 90. Il fât una dèrriére aparicion publica durent les Brit Awards lo 20 de fevriér 1990 et est rècompensâ coma mèlyore benda angllêsa de la dècènie 1980. Dens son clipe I'm Going Slightly Mad, on lo vêt franc amaigri. Lo chantor comunique pas sur sa maladie, mas lo recllam circule. La benda dèmentét. Lo 23 de novembro 1991, Freddie Mercury est u més mâl. Son mèdecin, Gordon Atkinson, dècide donc d'anonciér ux mèdiâs que lo chantor est avengiê du SIDA. Il dècède lo 24 de novembro, a l'âjo de 45 ans, afèbli per una pormonia.

Homâjos a Freddie Mercury[changiér | changiér lo tèxto sôrsa]

Aprés la môrt de Freddie Mercury, los membros réstants de Queen, Brian May, Roger Taylor et John Deacon fondont lo Mercury Phoenix Trust, una organisacion caritative que lute contre lo SIDA dens lo mondo. En 1992, ils organisont lo Freddie Mercury Tribute, un concèrt de charitât por recuelyir des fonds por la rechèrche sur lo SIDA.

En 1992, Freddie Mercury est rècompensâ por "contribucion èxcèptionèla a la musica britanica" a titro postumo durent los Brit Awards. Lo 21 de novembro 1996, una statua a la mèmouère de Freddie Mercury est inôgurâye en Suisse en face du lèc Lèman. La chanterèssa et amie du chantor, Montserrat Caballé dèvouèle la scultura.

Qui ére sa fèna, Mary Austin ?[changiér | changiér lo tèxto sôrsa]

Dens la pèlicula sortia en 2018 Bohemian Rhapsody, rèalisâ per Bryan Singer, est èvocâ lo solèt mariâjo de Freddie Mercury, entèrprètâ per Rami Malek, avouéc Mary Austin. La cobla sè crouese por lo premiér côp en 1969 dens un magasin de Londre. Mary Austin est adonc âgiêe de 19 ans et est vendosa dens ceta bouteca de môda. Freddie Mercury luita, at 24 ans. La cobla résterat siéx ans ensemblo, mas Mary Austin demorerat ux fllancs de son ancian èpox tant qu'a sa môrt en 1991. O est el qu'at margalyê de sa demora de Garden Lodge, a Londre, èstimâye a 23 milyons d'uros.

Dês son mariâjo avouéc Freddie Mercury, Mary Austin s'est remariâye doux côps et at avu doux filys. Felye d'una fèna de mènâjo et d'un tapissier, cela qu'at crêt dens un méten modèsto arat asse-ben reçu la mission de disperser les cindres de l'ancian chèf de Queen dens un luè demorâ secrèt.