Fous ta cagoule
|
Cél articllo z-est ècrit en arpetan savoyârd / ORB lârge. | 
|
Fous ta cagoule (arpetan savoyârd: Betes ta barôche) est na chançon de rape humoristico en lengoua francêsa sortia en 2006, premiér disco de la benda de rape parodique francês Fatal Bazooka, menâ per Michaël Youn; ceti titro fât partia de l'albon T'âs vu?, sorti en 2007.
Dens ceta chançon, la benda s'amuse a transbetar lo stilo de la vela dens lo câdro des montagnes nêvoses de la Savouè, en y caricaturant cèrtins rapors francês. Lo clipe que vat avouéc la chançon est rèalisâ per Nicolas Benamou.
En janviér 2007, lo disco sè place en tétha des ventes de discos en France, sè vendent a més de 550.000 ègzemplèros.
Dèscripcion[changiér | changiér lo tèxto sôrsa]
Doux rapors ant frêd tandis qu'ils sont aprés èvoluar dens lo Payis de Savouè. Por èvitar d'atrapar una ruma, ils betont na barôche et diont ux ôtros de fâre la méma chousa, de maniére humoristica.