Cicllo de les quintes
|
Cél articllo est ècrit en arpetan supradialèctâl / ORB lârge. | 
|
En tèoria de la musica, lo cicllo de les quintes est na reprèsentacion geomètrica que montre la relacion entre les doze degrâs de l’èchiéla cromatica, lors altèracions corrèspondentes et la tonalitât majora ou ben minora associyêe coment na cobla de quintes parfètes.
O est franc veré dens lo sistèmo estandârd de tempèrament ègâl a doze tons — l’usâjo d’un sistèmo difèrent ègzige qu’un entèrvalo de siéxta diminuâye seye trètâ coment na quinta.
Se nos chouèséssens do (= ut) coment pouent de dèpârt, la cobla est ceta :
do, sol, rè, la, mi, si (= do♭), fa♯ (= sol♭), do♯ (= rè♭), la♭, mi♭, si♭, fa
En porsiuvent lo schèmâ dês fa, la cobla revint a son pouent de dèpârt, a savêr do (= ut). Cél ôrdre bete les armures ples prôches les unes de les ôtres de maniére tochienta. O est gènèralament ilustrâ desot la fôrma d’un cèrcllo.
