Angerfist

Cél articllo est ècrit en arpetan supradialèctâl / ORB lârge.

Angerfist

Angerfist en 2014

Balyês cllâfs

Surnom	Bloodcage, Denekamps Gespuis, Floorcrushers, Kid Morbid, Menace II Society, Roland and Sherman, Headbanger
Nom de nèssence	Danny Masseling
Nèssence	20 de jouin 1981 Almere
Activitât principâla	Productor, disc jockey
Genro musicâl	Techno hardcore, gabber
Enstruments	FL Studio
Ans actifs	dês 2001
Lambéls	Cloud 9 Dance, Masters of Hardcore, Neophyte Records, BZRK Records (ancian), Overload Records (ancian)

logô de Angerfist

Logô de Angerfist.

Angerfist, de son veré nom Danny Masseling, nèssu lo 20 de jouin 1981 a Almere, Flevoland, est un productor et disc jockey de tècnô hardcore et gabber nêrlandês. En dèbut de carriére, il fât parêtre son premiér EP, qu'at nom Criminally Insane E.P., en 2002, sot lo nom d'Angerfist, u lambél Overload Recôrds. En 2006, Minne Roos (cognessu sot lo nom de ploma MC Prozac) sè juend a lui solament durent ses aparicions durent èvènament durent que ses participacions sè feront fôrt remarcâyes. Ceta méma anâ, il publeye son premiér albon studiô, Pissin' Razorbladez.

Doux de sos albons studiô, Mutilate (2008) et Retaliate (2012), second et trêsiémo rèspèctivament, avenjont los cllassements musicals nêrlandês. Pendent los mixsets, il est acompagnê de Minne Roos, et ére ôtro côp acompagnê de Crucifiyér (Crypsis). Angerfist est spècialament famox por la qualitât de sos sèts, sa presence scènica et son spèctâcllo, transportâs per son émâge emblèmatica - pôrt d'un mâsco d'hoquê et d'un chandâly (nêr por Masseling et blanc por Roos).

Dens los ans 2010, Masseling vint qualifiâ per la prèssa spècialisâ et de nombrox mèdiâs entèrnacionâls coma lo productor lo més enfluent a la téta des scènes tècnô hardcore et gabber entèrnacionâles. En 2014, il publeye son quatriémo albon studiô, The Deadfaced Dimension, qu'est siuvu d'un cinquiémo, en 2015, qu'at nom Raise and Revolt. En novembro 2017, il publeye son siéziémo albon studiô, qu'at nom Creed of Chaos.

• Portâl de la musica