Adonis de forél
Adonis vernalis
![]() |
Cél articllo est ècrit en arpetan supradialèctâl / ORB lârge. | ![]() |
Adonis vernalis, Köhler's Medizinal-Pflanzen
Règno | Plantae |
---|---|
Sot-règno | Tracheobionta |
Division | Magnoliophyta |
Cllâssa | Magnoliopsida |
Sot-cllâssa | Magnoliidae |
Ôrdre | Ranunculales |
Famelye | Ranunculaceae |
Genro | Adonis |
L’adonis de forél (Adonis vernalis) est na planta folyèrua pèrèna de la famelye de les renonculacès.
Dèscripcion
[changiér | changiér lo tèxto sôrsa]![](http://upload.wikimedia.org/wikipedia/commons/thumb/3/3a/Adonis_vernalis_Mi%C5%82ek_wiosenny_2017-04-09_03.jpg/300px-Adonis_vernalis_Mi%C5%82ek_wiosenny_2017-04-09_03.jpg)
Mesere de 10 a 30 cm d’hiôt. Châque tige drèciêe en l’êr pôrte de fôlyes de desot rèduites a des ècâlyes et pués de fôlyes de dessus ben dèvelopâyes et franc dècopâyes en gllètos prims et linéârs de 1 mm de lârjo. La tige sè chavone per na fllor solèta de 4 a 8 cm de diamètre. Les sèpâles sont pèlues, les 10 a 20 pètâles sont d’un jôno ècllafent. Los carpéls sont arriondis, pubèscents, avouéc un bèc côrt et corbo, aprés fècondacion vegnont d’aquènos que fôrmont na téta.
Cârro et distribucion
[changiér | changiér lo tèxto sôrsa]![](http://upload.wikimedia.org/wikipedia/commons/thumb/9/97/Adonis%27_hill_in_Charrat_%2817017590282%29.jpg/250px-Adonis%27_hill_in_Charrat_%2817017590282%29.jpg)
L’adonis de forél fllorét dês mârs tant qu’a jouin, d’aprés l’hôtior, dedens los prâts sècs et calquèros veriês u solely. Cela planta ègziste dens na granta partia de l’Erasia, dês l’Èspagne tant qu’en Russia. Il est quâsi pertot na planta râra.
![](http://upload.wikimedia.org/wikipedia/commons/thumb/d/d8/SAXON_sentier_ADONIS.jpg/250px-SAXON_sentier_ADONIS.jpg)
En payis arpetan — cen vôt dére en Suisse —, pousse ren qu’en Valês centrâl entre-mié los velâjos de Charas et Sasson, yô que pôvont siuvre lo vion des Adonis a fllanc de montagne travèrsent de prâts et cârros bouesiês yô que la planta est abondenta, et pués a Tôrtamagne. En Suisse, l’adonis de forél est considèrâ coment menaciê (fêblo : VU) mas sa protèccion semble franc èficaça.
Usâjos
[changiér | changiér lo tèxto sôrsa]Ceta planta est franc poueson dens totes ses parties, coment ben des èspèces de sa famelye. El est utilisâye coment cardiotonico et pués en homèopatie.