Ètiquèta d’identificacion de lengoues IETF

De Vouiquipèdia, l’enciclopèdia abada.
Aller à la navigation Aller à la recherche
B down.svg Cél articllo est ècrit en arpetan supradialèctâl / ORB lârge. Lo blâson panarpetan


Les ètiquètes d'identificacion de lengoues IETF (yô lo siglo dèsigne l'Internet Engineering Task Force) vegnont d'un codo standardisâ que pèrmèt d'atribuar d'ètiquètes structurâyes et hièrarch·isâyes pèrmetent d'identifiyér les lengoues ou famelyes et colèccions de lengoues ou variètâts lengouistiques de cetes lengoues. Els sont pas resèrvâyes ux soles donâs et documents ècrits, mas pôvont ètiquetar de contenus ôdio, multimèdia, ou tot tipo de donâs de localisacion dèpendentes de la lengoua et d'ôtros paramètros de natura lengouistica ètot.

Els sont dèfenies per la recomandacion standârd BCP 47 de l'IETF, qu'est metâ a jorn règuliérement et rèfèrence tojorn les dèrriéres RFC normatives aplicâbles (et lors corrèccions et errata possibllos), qu'en prècisa la sintaxe normativa, la dèfinicion, la validitât et l'utilisacion dens les logicièls (spècialament por ètablir de corrèspondances et èquivalences entre ètiquètes) ; ceta recomandacion est actuèlament composâye de les RFC 5646 (succèssor de RFC 4646) et RFC 4647.

Els sont associyêes a un règistro des èlèments utilisâblos por lor composicion ; ceti règistro est mantegnu et hèbèrgiê per l'IANA (actuèlament entègrâ a l'ICANN). D'ôtres RFC enformatives sont ègalament publeyêes pendent de mises a jorn maj·ores du règistro mas non remetâyes a jorn de façon complèta, lo règistro assurant llui-mémo por lo compto de l'IETF la mantenence de les donâs qu'il contint, selon la politica et los protocolos dèfenis dens les RFC normatives.