Lê de Gardèta

Louè de Gardèta

Cél articllo est ècrit en arpetan supradialèctâl / ORB lârge.

Por los articllos homonimos, vêde Gardèta.

La lê de Gardèta [lɛː də ɡar.ˈdɛ.ta] est na lê de fonètica historica que dècrit l’èvolucion de la diftonga */ai/ prècèdâye d’una labiâla en viely occitan et viely arpetan dens un vâsto cârro ârvèrno-forésien — que s’èpate dês la Limagne tant qu’a la règion èstèfanouèsa — et que s’est passâye entre-mié los ans 1300 et 1350.

Cela lê dêt son nom u dialèctologo francês Pierro Gardèta, qu’est lo premiér a l’avêr dècrita a tôs los côps en 1941.

Èvolucion fonètica

La diftonga [aˑi] ou ben [aˑɪ] qu’èvolue vers [aˑe] supôrte na triftonguèson reguliére en [waˑe] u rencontro de la labiâla (labio-dentâla [f] et [v] ou ben labio-vèlèra [p], [b], [m] et [w]) antècèdenta ; pués-cen [waˑe] vint per rèduccion [we] en occitan et arpetan d’ora.

Ègzemplos

Toponimia

• la prononciacion du nom de rio « Lavètro » [la.ˈvwe.trə] dedens lo nom de la comena de Lavètro-sus-Anzon.

Vocabulèro

Comparèsons de mots en fôrmes lârges et locâles

Arpetan - fôrma lârge	Prononciacion	- fôrma forésièna	Prononciacion	Occitan - fôrma lârge	Prononciacion	- fôrma ôvèrgnata	Prononciacion
fèssèla	[fe.ˈsa.la]	fouèssèla	[fwe.ˈsɛ.lə]
mâl-fêt	[mɑ.ˈfe]	mâl-fouèt	[mo.ˈfwe]
megnât, menât	[mə.ˈɲɑ], [mə.ˈnɑ]	mouènàt	[mwe.ˈnɛ]
mêson	[mɛː.ˈzɔ̃]	mouèson	[mweː.ˈzɔ̃]	maison	[maj.ˈzu]	moéson	[mwe.ˈzu]

Notes et rèferences

Rèferences

— Principâles

1. (fr) Gzaviér Govèrt, Problèmes et méthodes en toponymie française. Essais de linguistique historique sur les noms de lieux du Roannais [PDF], Tèsa de doctorat, Univèrsitât Paris-Sorbona, 2008, pp. 903-905.
2. (fr) « Patois vivant. Lexique patois forézien » [PDF], Montbréson, 2008, pp. 20 [→ fouéssèle] et 26 [→ môfoué, mouénè et mouésoun].