Vins dels Papes en Avignon

Lo Palais dels Papes, věua gènèrala.

Los vins dels Papes en Avignon sont los vins qui plǎuront els Papes quand viviant en Avignon et teniant lor Cort eu Palais de cella citá. Los vins de la Papaltá avignoneisi furont long tenus por remarcablos per la Papaltá meîmo quand fut revenua en Roma. La Cort pontificala, la Curie et los Cardinals, contribuiront molt eu dêveloppament deu vignoblo de Vauclusi.

Quand děut fuir Roma a causa deu conflict entre los Guelfos et los Gibelins, la Papaltá s'end venit a Avignon, dins lo Comtá Venaicin qu'éret sa possession. Il feziront approvisionar les tables de la Cort pontificala de vin local et recognǒuront bon-lef la qualitá dels vins de la règion qui lor paruront de grand dèlicatéci.

Encora hoi de grands vins de Vauclusi demoront cognǒus por lo gôt qu'hǎuront los Papes a lor êgvard ; lo Châtelnof de Papa êt l'un d'entre lor.