Sâva

En botanica et en fisiologia des plantes, la sâva est lo méten liquido que circule a côsa de de les cèlules spècialisâyes apelâyes vèsséls, entre los difèrents orgânos des plantes pèrmetent de charrotar los èlèments de nurretura nècèssèros a lor crêt et redistribuar les èssences organiques aprèstâyes per la fotosintèsa.
Il ègziste doux tipos de sâves : la sâva bruta et la sâva aprèstâye.
- la sâva bruta, ou sâva poyenta, est na solucion de sâls minèrales capturâye u nivél des racenes et que monte a travèrs lo xilèmo, que comprend los vèsséls du bouesc.
- la sâva aprèstâye, ou sâva dèscendenta, contint des èssences organiques solubles, surtot des sucros et des acidos aminâs; el provint èssencièlament des fôlyes, siéta de la fotosintèsa; el circule surtot dens lo floèmo, tissu conductor du libèr, situâ justo sot la corche.
L'égoua de biôla et lo sirop d'éserâblo provegnont de la sâva bruta de cetos âbros.
Lo vin de palma provint de la fèrmentacion de la sâva aprèstâye du palmiér a sucro.

Dègot de sâva de biôla