Orgâno

Orgâna

Cél articllo est ècrit en arpetan supradialèctâl / ORB lârge.

L’uely est l’orgâno de la viua.

‘N orgâno [ɔr.ˈɡaː.no] ou [ɔʀ.ˈɡaː.no] — n’orgâna [ɔr.ˈɡaː.na] ou [ɔʀ.ˈɡaː.na] en patouès vâldoten et genevês — est ‘n ensemblo de tissus que colabôront a na méma fonccion fesiologica. Y en at d’orgânos qu’assuront a côp ou ben a tôrn un mouél de fonccions, mas dens cél câs, châque fonccion est gènèralament assurâye per un sot-ensemblo de cèlules.

Lo nivél d’organisacion ples hiôt que l’orgâno sont los aparèlys (aparèly digèstif, ...) et los sistèmos (sistèmo reproductor, ...), que remplont ‘n ensemblo de fonccions complèmentères. Lo nivél d’organisacion ples bâs que l’orgâno est lo tissu.

L’ètuda des orgânos reléve de la corporance, qu’est avouéc lo domêno de la biologia.

Los orgânos pôvont étre dècrits per des planches anatomiques, des prèparacions anatomiques, des reprèsentacions en cira ou ben des modèlos enformaticos.

Orgânos humens et des vègètâls

Ègzemplo de reprèsentacion anatomica d’un orgâno (lo côr, orgâno vitâl, crox et solèt) ; cél orgâno musculèro bat més de 100 000 côps per jorn, pompent d’ense tôs los jorns prés de 8 000 litros de sang.

Per ègzemplo, lo côr, l’èstoma ou ben ‘n ôs sont d’orgânos de les bétyes, la fllor, na fôlye ou ben n’ètamena per contre celos de les plantes.

Notes et rèferences

Rèferences

— Principâles

1. (fr) Domenico Stich, Francoprovençal. Proposition d’une orthographe supra-dialectale standardisée [PDF], Tèsa de doctorat, Univèrsitât Paris-Sorbona, 2001, pp. 1232 et 1503.
2. (fr) Domenico Stich, Dictionnaire francoprovençal-français et français-francoprovençal, Tonon, Le Carré, 2003, pp. 106 et 334.
3. (fr) Alen Fâvro, Domenico Stich, Diccionèro de fata savoyârd-francês, francês-savoyârd, Fouènant, Yoran Embanner, 2005, pp. 187 et 409.
4. (fr) Èmê Chenâl et Rèmond Vôterin, Nouveau dictionnaire de patois valdôtain, 2^nda èdicion reviua et ôgmentâye, Quârt, Musumeci, 1997, pp. 1221 et 2034 [→ organa].
5. (fr) Frèderic Dubôf, Patois vaudois. Dictionnaire, èdicion reviua et complètâye, Ôron-la-Vela, Associacion vôdouèsa des amis du patouès, 2006, pp. 158 et 336 [→ orgâno].
6. (fr) Dictionnaire français-patois. Dikchenéro patê-franché, Fribôrg, Société cantonale des patoisans fribourgeois, 2013, pp. 263 et 801 [→ orgâno].
7. (fr) Rogiér Verèt, Dikchonéro Fransé - Savoyâ - Dictionnaire Français - Savoyard [PDF], 10^éma èdicion reviua et ôgmentâ, 2023, pp. 2671-2673 [→ organo].