Nèteyâjo ètnico

Lo nèteyâjo ètnico (du serbo-croato : etničko čišćenje) est una èxprèssion utilisâye por dèsignér la tentativa de crèacion de zones geografiques homogènes u nivél ètnico en empleyent la violence, la dèportacion ou lo dèplacement forciê. L'èxprèssion dèsigne na politica merient a fâre disparêtre d'un tèrritouèro una benda ètnica.

Ceti tèrmeno est asse utilisâ por dèsignér l'èmigracion forciêe, lo transfèrament de populacions ou la dèportacion, la stèrilisacion de massa, lo viol des fènes et lo gènocido contre una comunôtât d'avance discriminâye sur bâsa de plusiors critèros (religiox, linguisticos, socials, idèologicos, stratègicos, etc.).

Ceta èxprèssion est amplament empleyêe dês la guèrra de Bosnie-Hèrzègovena (1992-1995) durent laquinta los Sèrbos ant tentâ d'èliminar la populacion musulmana du payis; lo tèrmeno originèl est pas-muens més viely (XIXémo sièclo), et la pratica de sûr oncor ben més anciana.