Ôtomobila

De Vouiquipèdia, l’enciclopèdia abada.
(Redirigiê dês Ôtomobile)

Ôtomobilo, Machina, Tenot-mobilo

Cél articllo est ècrit en arpetan supradialèctâl / ORB lârge. Lo blâson panarpetan


Ôtomobila
Ôtomobila
La Citroën Traction Avant, modèlo emblèmatico des ans 1935-1960 en France.

Apelâ étot Vouètura ôtomobila
Ôtomobilo
Vèyiculo ôtomobilo
Machina Drapél de la Vâl d’Aoûta
Tenot-mobilo Drapél du quenton de Vôd
Abrèviacions Ôtô
Usâjo
Usâjo Vèyiculo a usâjo a sè ou ben por un nombro limitâ de gens
Ans Dês los ans 1890
Caractèristiques
Tipo Vèyiculo de transpôrt rotiér de gens
Ènèrgia Benzina, gazôlyo, èlèctricitât, GPF, GNV, bioètanol, hibrido, hibrido recharjâblo, hidrogèno
Pêds a vouedo Entre-mié 700 et 2 000[N 1] kg

N’ôtomobila [o.tɔ.mɔ.ˈbi.la][N 2] (simplificacion historica du parlament « vouètura legiére ôtomobila ») ou ben un ôtomobilo [o.to.mo.ˈbi.lə][N 3] (que vint du parlament « vèyiculo ôtomobilo ») — ou oncor na machina [ma.ˈʃiː.na][N 4] en Vâl d’Aoûta, pués un tenot-mobilo [tə.no.mo.ˈbi.lə] u payis de Vôd — est un vèyiculo a roues, motorisâ et dèstinâ u transpôrt tèrrèstro de doux-três gens et de lors bagâjos[1]. L’abrèviacion populèra « ôtô » [o.ˈto] est prod corenta. Lo tèrmo « vouètura » [vwɛ.ˈtyː.ra] est sovent empleyê, quand ben que dèsigne por de veré tot plen de tipos de vèyiculos que sont pas tôs motorisâs[2].

Dèrivâye de vèyiculos motorisâs imaginâs ux XVIIémo et XVIIIémo siècllos, l’ôtomobila modèrna aparèsséve outre la seconda mêtiêt du XIXémo siècllo. Son usâjo sè gènèralisâve tot plan plan pendent lo XXémo siècllo por vegnir n’aparence centrâla de la sociètât des payis dèvelopâs aprés la Seconda Guèrra mondiâla.

Houé, cél usâjo est en crèssua rêda dedens los payis en dèvelopament, et pués la construccion ôtomobila est un sèctor èconomico prod important por los payis qu’ant de constructors ou ben d’endrêts d’assemblâjo. Son endustria est étâye yon des sèctors los ples importants et los ples enfluents dês lo comencement du XXémo siècllo.

N’ôtomobila Benz de 1886.
Na Mercedes Simplex de 1906.
Na Fiat Panda III de 2011.

Notes et rèferences[changiér | changiér lo tèxto sôrsa]

Notes[changiér | changiér lo tèxto sôrsa]

  1. En moyena 1 242 kg en France en 2020 : (fr) « Voiture Moyenne neuve 2020. Son évolution depuis 1970 », L’Argus, .
  2. Lo tèrmo qualifie tot engin capâblo a sè remuar solèt, vêre : (fr) Dèfenicions lèxicografiques et ètimologiques d’« automobile » du Trèsor de la lengoua francêsa enformatisâ, sus lo seto du Centro nacionâl de ressôrses tèxtuèles et lèxicâles.
    Enqu’houé, quâsi tot lo temps prononciê [o.tɔ.mɔ.ˈbil] desot la portâ de la prononciacion francêsa.
  3. Empleyê surtot per los patouès romands et celi de Samouens, que prononce pletout [o.tɔ.mɔ.ˈbi.lə].
  4. Prononçont asse-ben [ma.ˈʃiː.nə] et [ma.ˈsiː.na], pués [ma.ˈʃĩ.na], [ma.ˈʃĩ.nə] (machinna en grafia sarrâye) et [ma.ˈʃœ̃.na] (machenna en grafia sarrâye) d’aprés los patouesants.

Noms d’endrêt[changiér | changiér lo tèxto sôrsa]

Vocabulèro[changiér | changiér lo tèxto sôrsa]

Rèferences[changiér | changiér lo tèxto sôrsa]

  1. (fr) Dèfenicions lèxicografiques et ètimologiques d’« automobile » (significacion II) du Trèsor de la lengoua francêsa enformatisâ, sus lo seto du Centro nacionâl de ressôrses tèxtuèles et lèxicâles..
  2. (fr) Dèfenicions lèxicografiques et ètimologiques de « voiture » du Trèsor de la lengoua francêsa enformatisâ, sus lo seto du Centro nacionâl de ressôrses tèxtuèles et lèxicâles..