Vouiquipèdia:Lumiére dessus…/Azincort
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo demécro 16 de novembro 2022 tant qu’a la demenge 20 de novembro 2022.
Azincort [a.zĩ.ˈkɔr] (Azincourt [a.zɛ̃.kuʁ] en francês et pecârd, Agincourt [ˈædʒ.ɪn.kɔːr(t)] en angllès) est na comena francêsa et pecârda de l’Artouès, que sè trôve dens lo dèpartament du Pâs-de-Calès en règion D’Amont-de-France.
El est ben cognua por la batalye d’Azincort que s’est passâye dessus son tèrritouèro lo pendent la guèrra de Cent-Ans et qu’at chavonâ dens na dèfêta per los Francês contre los Angllès.
Los habitents du velâjo sont apelâs los Azincortouès [lu.z‿a.zĩ.kɔr.ˈtwe] et les Azincortouèses [le.z‿a.zĩ.kɔr.ˈtweː.zə].