Jacques Gruet

Cél articllo est ècrit en arpetan romand / ORB lârge.

Jaque Gruèt (en francês Jacques Gruet; môrt lo 26 de j·ulyèt 1547 a Geneva), ére un cllèrc de notéro genevês. Diens lo XVIiémo sièclo, ol at ècrit lo més vielyo tèxto en patouès de Geneva, un tèxto contro Jian Carvin.

Tèxto polèmico

Un document de Jacques Gruet est la ples ancièna ôvra de lo patouès arpetan de Geneva:.

Tèxto du XVIiémo sièclo ècrit per Jaque Gruèt en patouès de Geneva.

Gro panfar, te et to compagnon gagneria miot de vot queysi ! Se vot not fade enfuma, i n’y a persona que vot gardey qu’on ne vot mette en ta lua qu’epey vot mouderi l’oura que james vot saliete de votra moennery. Et mesuit prou blama ! Quin dyablo ! Et to sut que cetou fottu pretre renia not vegnon ice mettre en ruyna. Apret qu’on a prou endura, on se revenge. Garda vot qu’i ne vot nen pregne comme i fit a mosiur Verle de Fribor. Not ne vollin pa tan avey de metre. Notta bin mon dire.

En ècritura sarrâye de l'arpetan genevês, cen balye en ortografia de rèference:

Grôs pançar, tè et tos compagnons gâgnériâds mielx de vos quèsiér! Se vos nos fâde enfumar, il n’y at pèrsona que vos gouârde qu’on ne vos mete en tâl luè qu’èpêr vos môdiréd l’hora que jamés vos salyéte de voutra mouénaria. Est més sûr prod blâmâ! Quint diâblo! Et tot sûr que cetos fotus prétres renéyâs nos vegnont icé metre en ruina. Aprés qu’on at prod endurâ, on sè revenge. Gouardâds-vos qu’il ne vos nen pregne come il fit a Monsior Verle de Fribôrg. Nos ne volens pas tant avêr de Mêtres. Notâd-ben mon dére.

Lim de defôr

• Dzakye Mounir: Calvin en Genèva - Lo placârd de Dzakye Gruet, 24.012018 ( Radiô Arpitan, chêna YouTube)