Vouiquipèdia:Lumiére dessus…/Micèlion
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo demârs 15 de jouin 2021 tant qu’u dessando 19 de jouin 2021.
_mycelium_on_coffee_grounds.JPG)
Lo micèlion, apelâ dens lo lengâjo corent blanc de champegnon (rèference a la color du fetrâjo qu’obsèrvont per ègzemplo dedens l’ètèrsa forètiére), est l’aparèly vèg·ètatif des champegnons ou ben de quârques bactèries filamentoses coment les actinobactèries (Streptomyces, Mycobacterium...). G·ènèralament pou visiblo, il est composâ d’un ensemblo de fils, més ou muens ramifiâs, apelâs hifes, que trôvont dedens la tèrra ou ben lo substrat nutritif. Celes hifes sont formâyes de cèlules brâvament alongiêes et cllouèsenâyes, a la difèrence de celes dedens lo psudomicèlion sen cllouèsons verés (structura cènocitica (en) constituâye de fils que fôrmont de sifons que contegnont na massa citoplâmica que los noyéls sont èparpelyês dedens).
Lo micèlion vèg·ètatif desot tèrra balye un micèlion reproductor g·ènèralament drèciê èn l’êr, apelâ carpoforo, chargiê de la produccion et de la morèson de les spores que vegnont d’una reproduccion sèxuâye ou ben asèxuâye. Cen que diont bien champegnon est franc ren que cél sporofor, aparèly reproductor formâ per lo micèlion fèrtilo.