Vouiquipèdia:Lumiére dessus…/Lionês
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo devendro 16 de janviér 2026 tant qu’a la demenge 18 de janviér 2026.
Lo lionês [ljɔ.ˈnɛ], [li.jɔ.ˈne] ou ben [li.ɔ.ˈne] (el llionés [ʎi.o.ˈnes] en lionês) ou ben la lengoua lionêsa [ˌlɛ̃.ɡa ljɔ.ˈnɛː.za], [ˌlɛ̃.vwa li.jɔ.ˈneː.za] ou ben [ˌlɛ̃.va li.ɔ.ˈneː.za] (la llingua llionesa [ˌʎiŋ.ɣwa ʎi.o.ˈne.sa] en lionês) est na lengoua ibèro-romana du cârro lengouistico astur-lionês, prègiêe en Èspagne dedens les provinces de Lion et Zamora (historicament étot dedens la province de Salamanca), et pués dens doux-três velâjos du district de Bragance u Portugal. Vint tot drêt du latin vulguèro, avouéc des contribucions de les lengoues palèo-hispaniques.
Lo tèrmo est asse-ben sovent empleyê por dèsignér l’astur-lionês dens son ensemblo, que rapond dedens étot l’asturien et lo mirandês.
Histouère
[changiér lo tèxto sôrsa]La lengoua lionêsa vint tot drêt du latin, et pués el ére la lengoua du reyômo de Lion u Moyen Âjo.