Vouiquipèdia:Lumiére dessus…/Bibla
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo dessando 8 de fevriér 2025 tant qu’u devendro 14 de fevriér 2025.
La Bibla [ˈbi.bla, ˈbi.blə] — diont étot la Biblla [ˈbi.bʎa, ˈbi.bja, bibj, ˈbi.bða] en ôtros patouès arpetans — (litèralament « lo lévro ») est un tèrmo gènèrico que dèsigne l’ensemblo des tèxtos sacrâs des crètiens. Per èxtension, pôt asse-ben dèsignér lo Tanakh, l’ensemblo des tèxtos sacrâs des jius.
La Bibla crètièna, que cognêt un mouél de canons d’aprés los temps et les confèssions, sè compôse gènèralament des ècrits du Viely Tèstament (constituâ du Tanakh reprês d’ense per les églléses enguenotes, mas ôgmentâ des lévros dutèrocanonicos por los catolicos) et pués des ècrits du Novél Tèstament (gènèralament constituâ des quatro Èvangilos canonicos, des Actos des Apôtros, de les Lètres et de l’Apocalipsa de Jian). La Bibla hèbrâica sè compôse por cen qu’est de lyé de três parties la Torah (la Lê), los Nèvi’im (los Profètos) et los Ketouvim (los Ècrits)) que lo titro fôrme en hèbrô l’acronimo TaNaKh (תנ״ך).