Vouiquipèdia:Lumiére dessus…/Ôrga
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo demécro 23 d’avril 2025 tant qu’a la demenge 27 d’avril 2025.
L’ôrga [ˈɔr.ɡa] ou [ˈɔʀ.ɡa] — quâsi tot lo temps diont pletout les ôrgues [ˈɔr.ɡə], [ɔrɡ] ou [ˈɔʀ.ɡə], [ɔʀɡ] — est ‘n enstrument a sofllèt multiformo que la caractèristica est de fâre los sons avouéc d’ensemblos de tubos que resonont acordâs d’aprés na gama dèfenia et alimentâs per un sofllèt. Les ôrgues sont en majoritât fêtes alar avouéc yon ou ben un mouél de cllaviérs et pués sovent étot un pèdaliér (cllaviér accionâ per los pieds).
Ègziste n’ôtra catègoria d’enstruments populèros apelâs ôrgues mècaniques perce que l’èmission que resone est assurâye per de tubos ou fllôtes, mas l’activacion sè fât per un sistèmo ôtomatico de reproduccion (cilindros, cartons, mèmouère èlèctronica). Doux-três de celes ôrgues ant asse-ben un cllaviér ou ben un pèdaliér més ou muens ètendus.