« Èspèce » : difèrences entre les vèrsions

De Vouiquipèdia, l’enciclopèdia abada.
Contenu supprimé Contenu ajouté
Fungoo (discussion | contribucions)
Aucun résumé des modifications
Arkelin (discussion | contribucions)
Aucun résumé des modifications
Legne 12 : Legne 12 :
''Prunus dulcis'' (Mill.) D. A. Webb 1967 [[Amandoliér]]<br>
''Prunus dulcis'' (Mill.) D. A. Webb 1967 [[Amandoliér]]<br>
''Amanita phalloides'' (Vaill. ex Fr.) Link 1833 [[Amanita vèrda]]
''Amanita phalloides'' (Vaill. ex Fr.) Link 1833 [[Amanita vèrda]]

[[Catègorie:Biologia]]

Vèrsion du 26 avril 2021 a 22:09

En biologia, l'èspèce est lo taxon de bâsa de la classificacion des étres vivents. Mas o est un concèpt dificilo a dèfenir. Il ègziste d'alyor una grôssa vengtêna de dèfinicions de l'èspèce. Classicament, on considère qu'una èspèce est na populacion ou un ensemblo de populacions yô los endividus pôvont èfèctivament ou potencièlament sè reproduire entre lor et engendrar una dèscendence vivâbla et fèconda, dens des condicions naturèles. Mas ceti critèro est ben dificilo a aplicar; per ègzemplo cèrtênes "èspèces" cognessont pas la reproduccion sèxuâ. Los spècialistos de tèrren utilisont surtot des caractèros morfologicos, des côps ben ensufisents ou trompors. Los progrès de la gènètica pèrmètont des comparèsons d'èchantelyons aprés dètèrmenacion de marquiors et opèracions de sèquençâjo de sègments gènicos, mas lé asse fôt chouèsir des critèros finalament prod arbitrèros (nombro de bâses d'ADN difèrentes sur los sègments sèquenciês per ègzemplo).
Enveron un milyon et demi d'èspèces viventes ant ja étâ dècrites, et on en publeye de novèles tôs los jorns; lo nombro totâl est franc dificilo a èstimar.

Nomenclatura

Por nomar una èspèce, on utilise la nomenclatura binominâla mêsa u pouent per Carl von Linné (Linnaeus en latin), en endicant d'ense lo genro (substantif) et l'èpitèto spècifico (adjèctif, gènitif ou substantif en aposicion). De façon formèla on fât siuvre lo binômo du nom ou de l'abrèviacion de l'ôtor ou des ôtors, et mémament de la dâta de crèacion du binômo, qu'at pu subir des transformacions (changement de reng, ou de genro per ègzemplo) ; dens ceti câs lo premiér ôtor est metu entre parentèses. Lo binômo est nècèssèrament en latin, lo nom de genro comencient tojorn per na majuscula et l'èpitèto spècifico per na minuscula.

Quârques ègzemplos :
Homo sapiens L. 1758 Homo modèrno
Cepaea hortensis O. F. Müller 1774 Escargôla
Prunus persica (L.) Batsch 1801 Pêrchiér
Prunus dulcis (Mill.) D. A. Webb 1967 Amandoliér
Amanita phalloides (Vaill. ex Fr.) Link 1833 Amanita vèrda