Saint-Marcelyin

Sant-Marcelyin ou Sant-Marcelin [sɛ̃ marsəjin, sɛ̃ marsəλin], (Sant-Marcelhin en occitan, Saint-Marcellin-en-Forez en francês), est una comena francêsa situâ dens la règion du Forêz, mèlx prècisament dens le sud du dèpartement de la Lêre, en règion Ôvèrgne-Rôno-Ârpes, et fât partia de Lêre Forêz Aglomèracion. En arpetan le monde du vélajo se disont "los marcelinêres".

Gèografia

La comena est situâ ô pied de los monts du Forêz dens le Massif centrâl, a 20 km km ô sud-èst de Montbréson et 24 km de la prèfèctura, Sant-Etiève.

O est composâ dô bôrg et d'hamôs ô tôrn : les Plantés, Gréziôx, la Roche, le Mâs, etc...

Le bôrg s'est considèrâblament agrandi pendent les sésons 1980-1990, côso par l'entèrèt dô monde de vérs Sant-Etiève, por la plana dô Forêz (cf. èvolucion dèmografica de la comena).

O est vesena avec les comenes de Pérignôx, Bonson, Suriô-lo-Comtâl, Chambles et Sent-Just-Sent-Rembert.

Climât

Plusiors ètudes fugueront menas por distengar los tipos climaticos qu'est èxposâ le tèrritouèro nacionâl. Los zonages obtenus sont difèrents d'aprés les mètodes utilisâs, la natura et le nombro de los paramètros prês en compto, le malyage tèrritoriâl de les donâs et la pèrioda de rèfèrence. En 2010, le climât de la comena ère d'ense de tipo climât ocèanico dègradâ de les planes dô Centro et dô Nord, d'aprés n'ètude dô Centro nacionâl de la rechèrche scientifica (CNRS) s'apoyant sur na mètoda combinant donâs climatiques et factors de métan (topografia, ocupacion de los sols) et des donâs cuvrent la pèrioda 1971-2000. En 2020, le climât dominant est cllasso Cfa, d'aprés la classificacion de Köppen-Geiger, por la pèrioda 1988-2017, a savêr un climât tempèrâ a chôd-temps chôd gins de sêsons sèche. Ôtrament Météo-France publet en 2020 una novèla typologie de los climâts de la France mètropolitana dens que la comena est èxposâ a un climât de montagna ou de mârges de montagna et est dens la règion climatica Nord-èst dô Massif Centrâl, distingâ par un nivél de ploye anuèl de 800 a 1 200, ben enganciâ dens la séson. O est en plens dens la zona H1c ô titro de la règllamentacion environamentala 2020 de les construccions nôves.

Por la pèrioda 1971-2000, la tempèratura anuèla moyèna est de 10,8 °C, avec una amplor tèrmica anuèla de 16,9. L'aponsa anuèla moyèna de ployes est de 723 mm mm, avec 8,3 jôrns de ployes en janviér et 6,9 jôrns en julyèt. Por la pèrioda 1991-2020, la tempèratura moyèna anuèla obsèrvâ sur la stacion mètèorologica de Météo-France la més prôche, sur la comena d'Andréziôx-Bouthéon a 8 km a vôl d'usél, est de 11,9  et l'aponsa anuèla moyèna de ployes est de 728,3 ,.

La tempèratura maximala relevâye sur ceta stacion est de

41,1, avengiâ le ; la tempèratura minimala est de −25,6 , avengiêe le.

Urbanismo

Tipologia

Ô 1ér de janvier 2024, Sant-Marcelyin est cllassa bôrg campagnârd, d'aprés la novèla grelye comunâla de densitât a sèpt nivéls dèfenia per l'INSEE en 2022. El est a l'unitât urbèna de Sant-Marcelyin, na unitât urbèna monocommunale constituant na vela isolâ. Ôtrament la comena fât partia de l'endrêt d'atraccion de Sant-Etiève, qu'el est una comena de la corona. Quôt endrêt, que rassemble 105 communes, est cllassâ dins los endrêts de 200 000 a muens de 700 000 habitants,.

Ocupacion de los sols

L'ocupacion de los sols de la comena, tâla qu'el ressalyét de la bâsa de donâs eropèèna d'ocupacion biophysique des sols Corine Land Cover (CLC), est marcâye per l'importance des tèrritouèros agricolos (66,8 % en 2018), en diminucion comparâ avouéc 1990 (69,1 %). La rèparticion dètalyêe en 2018 est la siuventa : prâries (38,7 %), bouescs (21,5 %), zones agricoles hètèrogènes (21 %), zones urbanisâyes (7,4 %), tèrres arables (7,1 %), métens a vègètacion en âbrelin et/ou en hèrba (4,3 %). L'èvolucion de l'ocupacion des sols de la comena et de ses enfrastructures pôt étre obsèrvâye sur les difèrentes reprèsentacions cartografiques du tèrritouèro : la cârta de Cassini (XVIIIémo ), la cârta d'ètat-major (1820-1866) et les cârtes ou fotôs aèriènes de l'IGN por la pèrioda actuèla (1950 a houé).

Cârta de les enfrastructures et de l'ocupacion de los sols de la comena en 2018 (CLC).

Toponimia

Lo velâjo de Sant Marcelyin tire son nom du Pape-mârtira Marcellinus môrt en 304 aprés los percecutions Dioclétiennes. En occitan (lengadocien) Sant-Marcelyin se dit "Sant Marcelhin" et en Français "Saint-Marcellin". En 1941 lo velâjo, ôtro côp solament apelâ en Francês Sant-Marcellin prend lo nom de Sant-Marcellin-en-Forêz.

Histouère

• Avant 984 : comena probâblament habita, se creyans la dècuvèrta de piéces de monéya datant du IVémo siècllo.

• 984 : mârques les mièlx encianes de la comena de Sant-Marcelyin.

• XIIIe siècllo (avant 1225) : construccion iniciale de l'égllêse (iquéte a subi biôcop de modificacions den lo temps, cômo la présence d'un clocher de stilo gotico dans un égllêse romana).

• 1286 : premiére mencion de los rampârts du bôrg.

• XIVe siècllo : construccion du pont du Diablo, que sôte la Mare au liô-dit Vérines.

• 1450 : Guilyôme Revel reprèsente lo bôrg de Sant-Marcelyin dens son armorial.

• 1636 : construccion du châtelèt du Colombiér situâ en face de l'hôtèl Bouthéon, a l'èxtèrior de los rampârts (ocupâ per des apartements privâs).

• 1858 (mês envalido (julyiét)) : èfondrament du donjon de Sant-Marcelyin situâ sur los rampârts d'encienta du bôrg.

• 1941 : changement du nom de la comena : (en Francês) Sant-Marcellin vint Sant-Marcellin-en-Forêz.

• 2004 : inôguracion du novél hotâl de vela et de la mêson de l'Armorial dens l'hôtèl Bouthéon.

Politica et administracion

Sant-Marcelyin fesêt partia de la comunôtât de comenes Forêz Sud en 1996, pués de la comunôtât d'aglomèracion de Lêre Forêz de 2003 a 2016 et at pués-cen entègrâ Lêre Forêz Aglomèracion.

Lista de los mères

U premiér tôrn de les èlèccions municipâles de 2014, Éric Lardon est èlu per 1 186 vouèx, contre 523 por Guy Janin et 401 por Michel Berger.  

Jumelages

• Marta (Etalie).

Patrimouèno Linguistico

Sant-Marcellyn possède un patrimouèno linguistico prod particuliér, câr historicament lo velâjo est copâ en doux, u nord de la comena on parlâve per tradicion Arpetan (Forézien), et u sud on parlâve Occitan (Vivaro-Alpin). Los dèrriérs locutors natifs de ceti Patouès sont môrts vers la fin du XXémo. Mas cèrtins nèo-locutors ant aprês la lengoua per lo biès d'ovrâjos ègzistants sur quot parlar, et per lo biès de locutors que pârle d'ôtro patouès du Forêz

Construccions et sitos

Sant-Marcelyin compôrte plusiors monuments :

• l'égllése Sant-Marcellin, romana (XIIémo). La Nâf, lo talapen de façâda, et la tor du cllochiér sot lo cllochiér ant étâ enscrits u titro des monuments historicos en 1939
• la chapèla Santa-Caterina (XIIémo ) ;
• la Mêson de l'Armorial ou èspâço Revel (centro d'entèrprètacion sur les veles et velâjos fortifiyês du Forêz u XVémo ), dens l'hôtèl de Bouthéon ;
• lo châtelèt du Colombiér (1636) ;
• lo pont du Diâblo ;
• lo bôrg du Moyen-Âjo et son rampârt d'encienta du XIIIémo ;
• la mêson Renèssance (venua una agence du Crèdit agricolo).

 

Notes et rèfèrences

• Notes

• Cârtes

Vêre asse

• Comenes de la Lêre

• Site officiel
• Ressources relatives à la géographie :
  • Insee (communes)
  • Ldh/EHESS/Cassini  
• Histouère et vesita dètalya de Sant-Marcellin-en-Forêz
• « Climadiag Commune : diagnostiquez les enjeux climatiques de votre collectivité. », sur Météo-France, novembre 2022 (consulté le 29 octobre 2025). Site élaboré à partir des données de projections climatiques de références DRIAS-2020. Entrer le nom de la commune pour afficher une liste d’indicateurs climatiques caractérisant la commune aux horizons 2030, 2050 et 2100 et pouvoir ainsi s'adapter aux changements climatiques.