Pralus
.
La Pâtisserie et chocolaterie Pralus est una entreprêsa de pâtisserie que lo sièjo social est a Rouana (Lêre).
Histouère
[changiér | changiér lo tèxto sôrsa]Augusto Pralus (nèssu en 1920) ôvre sa pâtisserie en 1948 a Rouana ; il obtint en 1955 lo titro de Melyor ovriér de France. En 1988, son fily Françouès Pralus (nèssu en 1959) prend sa succèssion.
Châque anâ, Pralus fât 100000 Pralulines et 110 tones de checolât. L'entreprêsa empleye quaranta pèrsones et rèalise en 2008 una chifra d'aféres de 3,3 milyons d'uros (dus quâls 30 % a l'èxportacion).
Françouès Pralus fabreque son prôpro checolât, dirèctament a partir de les fâves de cacao. Il fât l'aquisicion en 2004 d'una plantacion de 17 hèctâres sur l'ila de Nosy Be a Madagascar, ont qu'il plante 25000 âbros productors de fâves.
En 2024, l'entreprêsa empleyêve 160 pèrsones por 29 milyons de chifra d'aféres.
Enstalacions
[changiér | changiér lo tèxto sôrsa]Come endicâ sur los rubans d'embalâjo de les Pralulines, en ples de les doves bouteques de Rouana, 21 bouteques sont grèfâs en France, spècialament a Charliœ, Renêson, Sant-Etiève, Montbréson, Paris, Liyon, Vilafranche, Tacins, Dijon, Cllârmont-Fèrrand, Moulins, Valence, Ulins-Pièrra Benéte. Una 21éma bouteca Pralus va uvrir u sud de Liyon .
Publecacion
[changiér | changiér lo tèxto sôrsa]En octobro 2008, Françouès Pralus publeye un ovrâjo de recètes ilustrâs : Cacao, vanille : l'or noir de Madagascar, ècrit avouéc Laurence Caillier, productrice de vanilye a Châteaubriant.
Pralulina
[changiér | changiér lo tèxto sôrsa].jpg)
.jpg)
La Pralulina ("Praluline" en francês) est una brioche (brecél) u burro et a les pralines rouses, crèâ per Augusto Pralus en 1955. Les pralines rouses sont imaginâs avouéc d'amandes de València (dens l'Ètat èspagnor) et d'alâgnes du Piemont, enrobâs de sucro rousa et de colorant E129, concassâs pués enrolâs a la brioche (brecél).
La Pralulina ("Praluline" en francês) est una mârca dèposâ, dês lo 13 de mê 1961.
Polèmiques
[changiér | changiér lo tèxto sôrsa]Uvèrt sens ôtorisacion lo 1ér de mê 2025, un magasin Pralus de Rouana fât l'objèt çu mémo jorn d'un contrôlo de l'enspèccion du travâly, que constate l'enfraccion. Les dècllaracions de Françouès Pralus a la prèssa, aprés çu contrôlo, entrênont una mêsa u pouent de la CFDT que dènonce de discors manipulatouèros.