Vêre lo tèxto sôrsa de Fôlye

{{Sot-titro/Taxon|nv1=Fuelye|nv2=Fôlya}}
{{Grafia RèfB}}{{2ôtros|l’usâjo du mot fôlye en botanica|l’usâjo du mot fôlye en papèterie|Fôlye de papiér}}
[[Fichiér:Feuille tulipier Virginie.jpg|figura|300px|<center>Na ''fôlye de [[Liriodendron|tulipiér]]''.</center>]]
La '''fôlye'''<ref group="N">D’aprés los [[Arpetan|patouès]], emplèyont étot la '''fuelye''' {{AFE|[ˈfwe.ʎə]}} ou ben la '''fôlya''' {{AFE|[ˈfɔ.ʎa, ˈfɔ.ja, ˈfo.ʎa, ˈfo.ja]}}.</ref> {{AFE|[ˈfɔ.ʎə, ˈfɔ.ʎɪ]}} <small>ou</small> {{AFE|[ˈfɔ.jə]}}<ref group="N">Prononçont asse-ben {{AFE|[ˈfo.ʎə, ˈfo.ʎɪ, ˈfo.jə]}} en ôtros [[Arpetan|patouès arpetans]].</ref> est, en [[morfologia vègètâla]], l’[[orgâno]] spècialisâ dens la [[fotosintèsa]] chiéz les [[Traquèofitos|plantes vasculères]]. El est rapondua dedens les [[tige]]s de les [[Planta|plantes]] u nivél des [[Nuod (botanica)|nuods]]. O est asse-ben l’endrêt de la [[Rèspiracion vègètâla|rèspiracion]] et de la [[Transpiracion vègètâla|transpiracion]]. Les fôlyes sè pôvont spècialisar, notament por stocar de morséls nutritifs et d’égoua.

Por fâre son rolo, na fôlye est gènèralament formâye d’una lama plana et fina drèciêe en l’êr, lo [[Limbo folyèro|limbo]], que lyé pèrmèt d’èxposar a la lumiére lo més de surface. Mas ègziste avouéc de fôlyes transformâyes (coment les [[bractèye]]s, les [[Stipula|stipules]] et pués les difèrentes [[Piéce florâla|piéces fllorâles]] : [[Sèpâla|sèpâles]], [[Pètâla|pètâles]], [[Ètamena|ètamenes]], [[carpél]]s, ...), que lo limbo est brâvament rèduit et jouye pas més de rolo fotosintètico ; sont transformâyes en [[Vilyon (botanica)|vilyons]], [[Catafila|catafiles]], ècâlyes sus los borjons, drèciês en l’êr ([[Èpena|èpenes]], [[Pinofitos#Folyâjo|darzons]] de [[Pinofitos|sapins]]) ou ben desot tèrra (coment dedens les [[Téta (botanica)|tétes]], los [[cormo]]s), [[Planta sucolenta|fôlyes sucolentes]]. O est lo [[Mèsofilo (botanica)|parenquimo palissadico]], un tipo a pârt de [[Tissu vègètâl|tissu]] de la fôlye, que fât la fotosintèsa grâce a ses cèlules que contegnont los [[clloroplâsto]]s, et pués balye a la fôlye sa color vèrda.
La fôlye presente na granta variètât de fôrmes, de talyes, de tients, de tèxtures ou ben adés d’ornamentacions dens lo règno vègètâl. Celes particularitâts de la fôlye sont sovent na mârca d’un’[[èspèce]], ou ben u muens d’un [[Genro (biologia)|genro]].

[[Fichiér:Leaf Diagram 1.png|figura|gôche|<center>Schèmâ de fôlye.<br> a-[[Limbo folyèro|limbo]], b-[[Nèrvura (fôlye)|nèrvures]], c-[[Cova (botanica)|cova]], d-[[Moche folyèra|moche]].</center>]]
Les fôlyes de doux-três èspèces de [[cortelyâjo]], coment la [[râva]], sont apelâyes « chavasses » ou ben « èchevéls » ; d’ôtres fôlyes mejâbles sont de [[brèdes]].

Lo '''folyâjo''' est constituâ per l’ensemblo de les fôlyes d’un âbro.

La '''folyèson''' est un [[:fr:wikt:nom indénombrable|nom pas comptâblo]] que dèsigne, por les [[Planta anuâla|plantes anuâles]], l’aparicion de les fôlyes, fâsa sêsoniére en mémo temps du [[dèborrâjo]].

[[Fichiér:Fraxinus excelsior leaf illustration.jpg|figura|300px|<center>Na ''fôlye en fôrma de pégno'' de [[Frâno comon|frâno]].</center>]]
== Notes et rèferences ==
=== Notes ===
{{Rèferences|groupo=N}}

=== Rèferences ===
==== — Principâles ====
# {{fr}} [[Domenico Stich]], [http://www.arpitania.eu/aca/documents/These_Stich_2001.pdf ''Francoprovençal. Proposition d’une orthographe supra-dialectale standardisée''] {{pdf}}, Tèsa de doctorat, Univèrsitât Paris-Sorbona, 2001, {{p.}}360.
# {{fr}} [[Domenico Stich]], ''Dictionnaire francoprovençal-français et français-francoprovençal'', Tonon, Le Carré, 2003, {{pp.}}70 et 294.

==== — Suplèmentères ====
<references />

[[Catègorie:Fôlye| ]]