Cordâs

Los cordâs sont na fôrche (division) de bétyes distingâyes per la possèssion d'una côrda de l'èchena, lamèla de corniôla qu'est una esquelèta entèrna et empare en particuliér lo tubo nèrvox. Dens la sot-fôrche des vèrtèbrâs, qu'est de franc luen la més importanta, la côrda de l'èchena sert de bâsa u fil des rens, que vat la remplaciér sen qu'el disparèsse complètament (pèrsistence de la côrda sot fôrma du nucleus pulposus des discos que reliyont les vèrtèbres).
Los três sot-divisions des cordâs sont los cèfalocordâs (lancelèt), los urocordâs (ou tunicâts: ascidies et apendiculèros) et los vèrtèbrâs.