Amfibiens

De Vouiquipèdia, l’enciclopèdia abada.
Aller à la navigation Aller à la recherche

Amphibia

B down.svg Cél articllo est ècrit en arpetan supradialèctâl / ORB lârge. Lo blâson panarpetan


Amphibia
Dèscripcion de cel’émâge, tot pariér comentâye ce-aprés

Amfibiens de difèrents ôrdres : (de gôche a drêta et de hiôt en bâs) ’n anuro (Litoria phyllochroa), un seymouriamorfo (Seymouria baylorensis), ’n urodèlo (Notophthalmus viridescens) et pués un g·imnofion (Dermophis mexicanus)

Cllassement d’aprés ITIS
Règno Animalia
Fôrche Chordata
Sot-fôrche Vertebrata
Enfra-fôrche Gnathostomata
Supèr-cllâssa Tetrapoda

Cllâssa

Amphibia
Gray, 1825[1]

Taxons de renche de desot

Los amfibiens[N 1],[2] (Amphibia) fôrmont na cllâssa de vèrtèbrâs tètrapodos. Sont g·ènèralament dèfenis coment na tropa rapondent l’« ensemblo des tètrapodos nan-amniotos ». La branche de la zoologia que los ètudiye (et pués los « rèptilos ») est l’hèrpètologia, més justament la batracologia, du grèco batrachos, renolye, que lor est spècialament consacrâye.

Lors ôfs dêvont étre dèposâs dedens l’égoua. Lor pél liça et humida pèrmèt la rèspiracion. Lor dèvelopament pâsse per na fâsa de lârva égouassiére avouéc des branquies (gorgolyon ou ben tètârd), ben difèrent de l’adulto que pôt sofllar a l’êr libro a côsa de sos pôrmons. Y at portant d’èxcèpcions, coment la reproduccion possibla de doux-três èspèces a l’ètat de lârva (nèotènia) ; ôtrament quârques amfibiens sont vivipâros.

Lo mot amfibien fât alusion a les « doves vies » de celes bétyes, yona égouassiére, l’ôtra tèrrèstra.

Trôvont celes bétyes un pou pertot dedens les zones tempèrâyes et tropicâles, en defôr des cârros trop sècs frêds. Cognessont un pou més de 8 000 èspèces d’amfibiens, èstimont que 40 % d’entre lor sont menaciêes. Los problèmos vegnont surtot de la disparicion de les molyes et pués de la polucion de les égoues.

Divisont los amfibiens modèrnos en três ôrdres : los anuros, los urodèlos et pués los g·imnofions.

Notes et rèferences[changiér | changiér lo tèxto sôrsa]

Notes[changiér | changiér lo tèxto sôrsa]

  1. Ècrivont « l’anfibyin » en grafia de Confllens.

Vocabulèro[changiér | changiér lo tèxto sôrsa]

Rèferences[changiér | changiér lo tèxto sôrsa]

  1. (en) D.C. Blackburn et D.B. Wake, « Class Amphibia Gray, 1825. In: Zhang, Z.-Q. (Ed.) Animal biodiversity: An outline of higher-level classification and survey of taxonomic richness », Zootaxa, vol. 3148,‎ , p. 39–55 (en legne).
  2. (fr) Rogiér Virèt, « Dikchonéro Fransé - Savoyâ - Dictionnaire Français - Savoyard » [PDF], 8éma èdicion reviua et ôgmentâye, mârs 2021, p. 220.